Dhanush Jagame Thanthiram Release Date Netflix - தனுஷ் ஜகமே தந்திரம் வெளியீட்டு தேதி நெட்ஃபிக்ஸ்
கார்த்திக் சுப்புராஜ் இயக்கத்தில் தனுஷ் நடிப்பில் உருவாகியிருக்கும் ஜகமே தந்திரம் படத்தின் ரிலீஸ் தேதியை படக்குழுவினர் அதிகாரப்பூர்வமாக அறிவித்துள்ளனர்.
கார்த்திக் சுப்புராஜ் இயக்கத்தில் தனுஷ், ஹாலிவுட் நடிகர் ஜேம்ஸ் காஸ்மோ, ஐஸ்வர்யா லட்சுமி, லால் ஜோஸ் உள்ளிட்ட பலர் நடித்திருக்கும் படம் ‘ஜகமே தந்திரம்’. ரிலையன்ஸ் நிறுவனம் வழங்க ஒய் நாட் ஸ்டுடியோஸ் நிறுவனம் தயாரித்திருக்கும் இந்தப் படத்துக்கு சந்தோஷ் நாராயணன் இசையமைத்துள்ளார்.
இப்படம் முடிந்து ஓராண்டாகிவிட்டது. கொரோனா பிரச்னையால் ரிலீஸ் தள்ளிப்போனது. தியேட்டரில் படம் வெளியாகும் என்று கூறி வந்தனர். பின்பு நெட்பிளிக்ஸ் ஓடிடியில் வெளியிட போவதாக தயாரிப்பாளர் சசிகாந்த் அறிவித்தார். இதற்கு தனுஷ் அதிருப்தி தெரிவித்தார். இந்நிலையில் தற்போது கொரோனாவால் மீண்டும் தியேட்டர்கள் மூடப்பட்டுள்ளதால் தன் முடிவில் பின்வாங்காத தயாரிப்பாளர், ஜுன் 18ல் படம் ஓடிடியில் வெளியாகும் என அறிவித்துள்ளார்.
‘கர்ணன்’ திரைப்படத்தை அடுத்து பாலிவுட்டில் அக்ஷய்குமாருடன் அத்ரங்கி ரே படத்தில் நடித்து முடித்திருக்கும் தனுஷ், ஹாலிவுட்டில் ‘தி க்ரே மேன்’(The Gray Man) படத்தில் நடித்து வருகிறார். அதற்காக தற்போது அமெரிக்காவில் இருக்கும் தனுஷ் ஹாலிவுட் படத்தை முடித்துவிட்டு கார்த்திக் நரேன் இயக்கும் D43 பணிகளை கவனிப்பார். பின்னர் செல்வராகவனின் ’நானே வருவேன்’, மீண்டும் மாரி செல்வராஜ் உடன் ஒரு படம் என அடுத்தடுத்த பணிகளில் இறங்குவார்.
إرسال تعليق